ފުލަމް ބަލިކޮށް ޔުނައިޓެޑުން ހަމަނޭވައެއް ލައިފި

އިނގިރޭސި ޕްރިމިއަރ ލީގުގައި މިރޭ މެންޗެސްޓަރ ޔުނައިޓެޑުން ތާވަލުގެ ފުލުގައި އޮތް ފުލަމް ބަލިކޮށްފިއެވެ. އަމިއްލަ ދަނޑުގައި ކުޅުނު މިމެޗު ޔުނައިޓެޑުން ކާމިޔާބުކުރީ 4-1 ގެ ނަތީޖާއަކުންނެވެ.

އޭޝްލީ ޔަންގް އާއި ހުއާން މާޓާ އަދި ރޮމެލޫ ލުކާކޫގެ ގޯލުތަކުން ޔުނައިޓެޑު ފުރަތަމަ ހާފު ނިންމާލީ 3-0 ގެ ލީޑަކާއެކު އެވެ. ފުލަމްގެ ހަމައެކަނި ލަނޑު 67 ވަނަ ިނިޓުގައި ލިބުނުު ޕެނަލްޓީއަކުން ކާމިޔާބު ކޮށްދިނީ އަބޫބަކާ ކަމާރާއެވެ. ޔުނައިޓެޑުގެ ހަތަރުވަނަ ލަނޑު 82 ވަނަ މިނިޓުގައި ޖަހައިދިނީ މާކަސް ރަޝްފޯޑެވެ.

Advertisement

މިއީ ނިމިދިޔަ ނޮވެމްބަރު މަހުގެ ތިންވަނަ ދުވަހު ބޯންމައުތުއަތުން ހޯދި މޮޅަށްފަހު ލީގުގައި ޔުނައިޓެޑު މޮޅުވި ފުރަތަމަ މެޗެވެ.

އާސެނަލް ވެސް ވަނީ މިރޭގެ އެޓީމު ކުޅުނު މެޗުގައި ހަޑަސްފީލްޑް ޓައުން އަތުން ހަނި މޮޅެއް ހޯދާފައެވެ. 1-0 އިން ނިމުނު މިމެޗުގައި އާސެނަލްގެ ހަމައެކަނި ލަނޑު ޖަހައިދިނީ ރަނގަޅު ފޯމެއްގައި ހުރި އާސެނަލްގެ މިޑްފީލްޑަރ ލޫކަސް ޓޮރެއިރާއެވެ.

މިރޭ ކުޅެވުނު އިތުރު މެޗުތަކަށް ބަލައިލާއިރު ބާންލީއާއި ބްރައިޓަން ބައްދަލުކުރި މެޗު 1-0 އިން ކާމިޔާބުކުރީ ބާންލީއެވެ. އަދި ކާޑިފް ސިޓީ ވެސް 1-0 އިން ސައުތްހެމްޓަން ބަލިކުރިއިރު ވެސްޓް ހޭމް ވަނީ 3-2 އިން ކްރިސްޓަލް ޕެލަސްގެ މައްޗަށް ކުރި ހޯދާފައެވެ.

Advertisement