21 އަހަރުން ދަށުގެ އެންމެ މޮޅު ކުޅުންތެރިޔާއަށް ކޮޕާ ޓްރޮފީ

ފްރާންސް ފުޓްބޯލް އިން 1956 ވަނަ އަހަރު ދޭންފެށި، އެއަހަރެއްގެ އެންމެ މޮޅު ފިރިހެން ކުޅުންތެރިޔާއަށް ދޭ ބަލޮންޑިއޯގެ އިތުރުން 21 އަހަރުން ދަށުގެ އަހަރުގެ އެންމެ މޮޅު ކުޅުންތެރިޔަކަށް ކޮޕާ ޓްރޮފީ ނަމުގައި އެވޯޑެއް ދޭން ނިންމައިފިއެވެ.

މިއަހަރުގެ ބަލޮންޑިއޯ ނައިޓުގައި މުޅިން އަލަށް ދޭ ކޮޕާ ޓްރޮފީ އަށް 10 ކުޅުންތެރިއަކު ވަނީ ޝޯޓްލިސްޓް ކޮށްފައެވެ.

Advertisement

މި ދިހަ ކުޅުންތެރިންގެ ތެރޭގައި މިއަހަރު ފްރާންސް އާއެކު ވޯލްޑް ކަޕް ކާމިޔާބުކުރި 19 އަހަރުގެ ފޯވަޑް ކިލިއަން އެމްބާޕޭ އާއި، ދާދި ފަހުން ނެދަލޭންޑްސްގެ އަޔެކްސް ދޫކޮށް އިޓަލީގެ ރޯމާއަށް ބަދަލުވި، ޕެޓްރިކް ކްލައިވާޓްގެ ދަރިފުޅު ޖަސްޓިން ކްލައިވާޓް ފާހަގަ ކޮށްލެވެެވެ.

އަދި ހަމައެހެންމެ މިއަހަރު ވޯލްޑް ކަޕުގައި އިނގިރޭސި ޓީމަށް ކުޅުނުު ލިވަޕޫލްގެ 20 އަހަރުގެ ޑިފެންޑަރު ޓްރެންޓް އެލެކްޒެންޑާ އާނޯލްޑް ވެސް މިލިސްޓުގައި ހިމެނެއެވެ.

ކޮޕާ ޓްރޮފީގެ އިތުރުން މިއަހަރު ފްރާންސް ފުޓުބޯޅައިން ވަނީ މުޅިން އަލަށް އަހަރުގެ އެންމެ މޮޅު އަންހެން ކުޅުންތެރިޔާއަށް ވެސް ބަލޮންޑިއޯ އެވޯޑު ދޭން ނިންމާފައެވެ.

ބަލޮންޑިއޯޯ އެވޯޑް ހަފްލާ ބާއްވަން ހަމަޖެހިފައި ވަނީ އަންނަ ޑިސެމްބަރު މަހުގެ 3 ވަނަ ދުވަހު ފްރާންސްގެ ވެރިރަށް ޕެރިސްގަ އެވެ.

Advertisement