ގްރާސް ރޫޓް ލެވެލްގެ ކޯޗިން ޕްރޮގްރާމެއް އައްޑޫގައި ކުރިއަށް ގެންގޮސްފި

ފުޓްބޯޅަ އެސޯސިއޭޝަން އޮފް މޯލްޑިވްސް ގެ “ޓުވާޑްސް ފިއުޗަރ” ޕްރޮގްރާމްގެ ދަށުން، ގްރާސްރޫޓް ލެވަލްގައި ކޯޗުން ތަމްރީނު ކުރުމުގެ ޕްރޮގްރާމެއް އައްޑޫ ސިޓީގައި ކުރިއަށް ގެންގޮސްފިއެވެ.

މި ކޯސް ކުރިއަށް ގެންގޮސްފައިވަނީ މިމަހުގެ 9 ވަނަ ދުވަހުން ފެށިގެން އިއްޔެގެ ނިޔަލަށް އައްޑޫ ސިޓީ ޒީން ފުޓްބޯޅަ ސްޓޭޑިއަމްގައެވެ. އިއްޔެ ބޭއްވި ނިންމުމުގެ ރަސްމިއްޔާތު ކުރިއަށް ގެންގޮސްފައިވަނީ ކުޑަކުދިންގެ ފުޓްބޯޅަ ފެސްޓިވަލަކާ އެކުއެވެ.

Advertisement

އައްޑޫގައި ކުރިއަށް ގެންދިޔަ މި ކޯހުގައި ޖުމްލަ 18 ކޯޗުން ތަމްރީނު ކޮށްފައިވެއެވެ. މީގެ ތެރޭގައި ހަތް އަންހެން ކޯޗުންވެސް ހިމެނެއެވެ. މި ކޯހުގައި ތަމްރީނުތައް ކުރިއަށް ގެންދެވީ އެފް.އޭ.އެމް ގެ ކޯޗް އަހްމަދު ޝަރީފް (ޑުންގާ ކޯޗު) ގެ ބެލުމުގެ ދަށުންނެވެ. ޝަރީފަކީ އޭ.އެފް.ސީ ގެ ގްރާސްރޫޓް އިންސްޓްރަކްޓަރ ލައިސަންސް ހާސިލް ކޮށްފައިވާ ބޭފުޅެކެވެ.

ގްރާސްރޫޓް ލެވެލްގެ ހަރަކާތްތަކަކީ ފުޓްބޯޅައިގެ މައި އިދާރާ ފީފާ އިން މުޅި ދުނިޔޭގައިވެސް އެންމެ ރަނގަޅު ޕްލޭނަކާ އެކީ ހިންގާ އެއް ޕްރޮގްރާމެވެ. ގްރާސް ރޫޓް ކޯޗުން އާއްމު ގޮތެއްގައި ތަމްރީނު ކުރަނީ އުމުރުން 12 އަހަރުން ދަށުގެ ކުދިންނެވެ.

Advertisement