މޮޅަކާއެކު ވެލެންސިއާ އިން ލީގު ނިންމާލައިފި

އެސް.ޓީ.އޯ މާލޭ ލީގުގައި މިއަދު ހަވީރު ކުޅުނު މެޗުން 1-3 ގެ ނަތީޖާއަކުން ޔުނައިޓެޑް ވިކްޓްރީ ބަލިކޮށް ކްލަބް ވެލެންސިއާއިން މޮޅާއެކު ލީގު ނިންމާލައިފިއެވެ.

މިއީ، މާލޭ ލީގުގައި ވެލެންސިއާއިން ހޯދި ދެވަނަ މޮޅެވެ. ލީގުގައި އެންމެ ފަހުން ކުޅުނު މެޗުން ވެލެންސިއާ ވަނީ ކްލަބް ގްރީން ސްޓްރީޓްސް ބަލިކޮށްފައެވެ.

Advertisement

ރޭގެ މެޗަށް ނުކުތްއިރުވެސް މިދެޓީމުވެސް ވަނީ ރެލިގޭޝަން ޕްލޭއޮފް ކުޅެންޖެހޭނެކަން ކަށަވަރުވެފައެވެ. ވެލެންސިއާއިން ހަތް ޕޮއިންޓާއެކު ލީގު ނިންމާލިއިރު، ފަހަތުން ދެވަނައިގައި އޮތް ޔުނައިޓެޑް ވިކްޓްރީއަށް ލިބިފައިވަނީ ނުވަ ޕޮއިންޓެވެ.

ލީގުގެ ފުރަތަމަ ބުރުގައި ޔުނައިޓެޑް ވިކްޓްރީއިން ވެލެންސިއާ ބަލިކޮށްފައި ވީކަމުގައިވިޔަސް ރޭގެ މެޗުގައި އޭގެ ބަދަލު ހިފުމުގެ ބޭނުމުގައި ވަރުގަދަ ކުޅުމެއް ވެލެންސިއާގެ ފަރާތުން ފެނިގެން ގޮސްފައެއް ނުވެއެވެ. ދެ ޓީމުން ވެސް ވަނީ ގިނަ އާ ކުޅުންތެރިން ތަކަކަށް ފުރުސަތު ދީގެން ރޭގެ މެޗުގައި ކުޅެފައެވެ.

ކްލަބް ވެލެންސިއާ އާއި ޔުނަިޓެޑް ވިކްޓްރީ ބައްދަލުކުރި މެޗުގެ ތެރެއިން

ރޭގެ މެޗުގެ ފުރަތަމަ ހާފުގައި ދެޓީމުކުރެ އެއްވެސް ޓީމަކަށް ލަނޑެއް ކާމިޔާބުކުރެވިފައެއް ނުވެއެވެ. ނަމަވެސް ދެ ވަނަ ހާފް ފަށައިގެން މާގިނައިރެއްނުވެ ވެލެންސިއާ އިން ވަނީ ލީޑުނަގައިފަ އެވެ. މިލަނޑު އެޓީމަށް ކާމިޔާބުކޮށްދިނީ އަންސަރު އިބްރާހީމް (އަންކޮ) އެވެ. ވެލެންސިއާ އިން ލީޑުނެގިތާ މާގިނައިރެއްނުވެ ޔުނައިޓެޑް ވިކްޓަރީން ވަނީ ނަތީޖާ ހަމަކޮށްފަ އެވެ. އޭޓީމަށް ލިބުނު ހިލޭ ޖެހުމަކުން ނަތީޖާ ހަމަހަމަ ކޮށްދިނީ ބިދޭސީ ކުޅުންތެރިޔާ ސެމިއުލްއެވެ. އޭނާ ފޮނުވާލި ބޯޅަ ގޯލަށް ވަނީ ވެލެންސިއާގެ ކުޅުންތެރިއަކު ގައިގައި ޖެހިފައެވެ.

މެޗުގެ 64 ވަނަ މިނިޓްގައި ވެލެންސިއާގެ ބިދޭސީ ކުޅުންތެރިޔާ ޑްރީގާ ގޯލެއްޖަހާ އަލުން އެޓީމަށް ލީޑު ހޯދައިދިނެވެ. އަދި މެޗުގެ އިތުރު ވަގުތުގައި އެޓީމުގެ ރިޝިން ވަލޭރީ ވަނީ ވެލެންސިއާ އަށް ތިން ވަނަ ލަނޑެއް ކާމިޔާބު ކޮށްދީ ތިން ޕޮއިންޓް ކަށަވަރު ކޮށްދީފައެވެ.

Advertisement