ލިބޭ މަޅި ފުޓްސަލް ޗެލެންޖް މިރޭ ފަށަނީ

ޖާޒީގެ ވިޔަފާރި ފުޅާ ދާއިރާއެއްގައި ކުރަމުން އަންނަ މަޅި މޯލްޑިވްސް އިން އިންތިޒާމުކޮށްގެން ބާއްވާ “ލިބޭ މަޅި ފުޓްސަލް ޗެލެންޖް” މިރޭ ފަށާނެ އެވެ.

މިއީ މަޅި ފުޓްސަލް ޗެލެންޖް ބާއްވާ ދެ ވަނަ އަހަރެވެ. މިއަހަރުގެ މުބާރާތުގައި ވެސް 32 ޓީމަކުން ވާދަކުރެ އެވެ. މުބާރާތުގެ ގްރޫޕް ސްޓޭޖުގެ މެޗުތައް ކުރިއަށްދާނީ މިރެއިން ފެށިގެން އަންނަ މަހުގެ ތިން ވަނަ ދުވަހުގެ ނިޔަލަށެވެ.

Advertisement

ގްރޫޕް އޭގައި ހިމެނެނީ މަސްއޮޑި ޓައިޓަންސް، ޓިވައިޕީ، ރޭންޖާސް އަދި އެފްސީ ޔޯ ޓީމް އެވެ. ގްރޫޕް ބީގައި ހިމެނެނީ އެފްސީ ފަރުމަތި، ފަސްގަނޑު ސްޕޯޓްސް ކްލަބް، ކްލަބް ޖީޑީއެފް އަދި އެފްސީ ލެވެލް އެވެ. ގްރޫޕް ސީގައި ހިމެނޭ ޓީމްތަކަކީ ލޮރެންޒޯ ޔެނާސް އާއި ލޮރެންޒޯ ޕާކްގެ އިތުރުން ލައިކަންސް އަދި ވެލޭރިއޯ އެފްސީ އެވެ. ގްރޫޕް ޑީގައި ހިމެނެނީ ޓީއެފްޓީ، އިހަވަންދޫ އެފްސީ، ކްލަބް ޓީއެންޓީ އަދި ދަ ގޯޅި ސްޕޯޓްސް ކްލަބް އެވެ. ގްރޫޕް އީގައި ހިމެނެނީ ކްލަބް ވޯންޓެޑް، ރެމްޕޭޖް، އެފްސީ ގޮއްރާޅު އަދި ޑީއޭ ރޯޔަލްސް އެވެ. ގްރޫޕް އެފްގައި ހިމެނެނީ ކާނޭޖް ސްޕޯޓްސް ކްލަބް، އައްޔަނީ އެފްސީ، އީއާރުއެފްސީ އަދި ލެގޫންސް އެވެ. ގްރޫޕް ޖީގައި ހިމެނެނީ ބިގަލޯސް، ކްލަބް އޯވަންއޯ، ސީކޭ އަދި ބުރު ސްޕޯޓްސް ކްލަބެވެ. ގްރޫޕް އެޗްގައި ހިމެނެނީ އެފްސީ ފައިގަތަޅާ، ރޮކް ޒެޑް، މަސްއޮޑި ވޯވޯ އަދި އާރުޖީ ބޮއްކުރާ އެވެ. މުބާރާތުގައި މިރޭ އަށެއް ޖަހާއިރު ދެ މެޗު ކުޅޭނެ އެވެ. އެއީ މަސްއޮޑި ޓައިޓަންސް އާއި ޓީވައިޕީ ބައްދަލުކުރާ މެޗާއި ރޭންޖާސް އާއި އެފްސީ ޔޯ ޓީމް ބައްދަލުކުރާ މެޗެވެ.

މުބާރާތުގެ މެޗު ޝެޑިއުލް. މުބާރާތް މިރޭ ފަށާނެ. – ފޮޓޯ: މަޅި ފުޓްސަލް ޗެލެންޖް

މިއަހަރުގެ މުބާރާތުގެ ޓައިޓަލް ސްޕޮންސަރަކީ ލިބޭ އެވެ. ކޯ ސްޕޮންސަރުގެ ގޮތުގައި ހަމަޖައްސާފައިވަނީ ރެޓްރޯވިސް އެވެ. ބެވަރޭޖް ޕާޓްނަރަކީ ރެޑްބުލް އެވެ. މުބާރާތުގެ އެހެނިހެން ޕާޓްނަރުންނަކީ ޑްރީމްސް، އޮބިއޮން، އެސްޖޭ މޯލް، ކޮއެލް އައިވެއަރ، އޫޑް އަލް ސަބާޔާ، ދި ޑަބްލިއު ސްޕޯޓްސް، މާކުއީ، ޓްރިޕަލް އޭއެޗް އަދި ޓޮޕް 3 މޯލްޑިވްސް އެވެ.

މުބާރާތުގެ މީޑީއާ ޕާޓްނަރުންނަކީ “ފަހުމިނެޓް” އާއި “ވަގުތު” އެވެ. މި ދެ ނޫހުން ވަނީ މިދިޔަ އަހަރުގެ މީޑިއާ ޕާޓްނަރުންގެ ގޮތުގައި ވެސް މަސައްކަތްކޮށްފަ އެވެ.

މަޅި ފުޓްސަލް ޗެލެންޖުގެ ހުރިހާ މެޗެއް ވެސް ކުޅޭނީ ހުޅުމާލޭ ރެހެންދި ފުޓްސަލް ޓާފް ދެ ދަނޑުގަ އެވެ. މިދިޔަ އަހަރުގެ މުބާރާތުގެ ޗެމްޕިއަންކަން ހޯދީ ފައިނަލުގައި މަސްއޮޑި ސްޕޯޓްސް ކްލަބް ބަލިކޮށް މަސްއޮޑި ޓައިޓަންސް އެވެ. މާލެ ސަރަހައްދުގައި ފުޓްސަލްގެ ފޯރި ގަދައިރު މި މުބާރާތުގައި ފުޓްސަލްގައި މަޝްހޫރު ހުރިހާ ކުޅުންތެރިންހެން ކުޅެ އެވެ.

މުބާރާތުގެ ޗެމްޕިއަން ޓީމަށް 30000 ރުފިޔާ ދޭގޮތަށް ހަމަޖެހިފައިވާއިރު ރަނަރަޕް ޓީމަށް ދޭނީ 10000 ރުފިޔާ އެވެ.

Advertisement