މިނިވަން ޗެމްޕިއަންޝިޕް ޒޯން 7 ގެ ޗެމްޕިއަންކަން ގދ.ހޯޑެއްދޫ ހޯދައިފި

ޒޯން ހަތެއްގައި އިއްޔެ ހަވީރު ގއ.ކޮނޑޭ އަތުން 0-1 ބަލިވި ނަމަވެސް، އެގްރިގޭޓް 1-3 ގެ ނަތީޖާއަކުން ޒޯން ހަތެއްގެ ޗެމްޕިއަންކަން ގދ.ހޯޑެއްދޫ ހޯދައިފިއެވެ.

ފައިނަލް މެޗުގެ ފުރަތަމަ ލެގު ކޮނޑޭ ދަނޑުގައި ފަސޭހަކަމާއެކު 0-3 ގެ ނަތީޖާއަކުން ކުރި ހޯދާފައިގެން ޗެމްޕިއަން ކަމާ ގާތުގައި އޮތް ހޯޑެއްދޫ ކޮޅަށް މިމެޗުގައި ޖެހި ހަމަ އެކަނި ލަނޑު މެޗުގެ 36 ވަނަ މިނެޓުގައި ކާމިޔާބުކޮށްދިނީ ކޮނޑޭގެ ޖާޒީ ނަންބަރު 27 އަޙްމަދު އުސާމެވެ.

Advertisement

ޒޯން ހަތެއްގައި ވާދަކުރީވެސް ހަމައެކަނި ގއ. އަތޮޅު ޗެމްޕިއަން ކޮނޑޭއާއި ގދ. އަތޮޅު ޗެމްޕިއަން ހޯނޑެއްދޫއެވެ.

މިނިވަން ޗެމްޕިއަންޝިޕްގެ ޒޯން ޗެމްޕިއަންކަން ހޯދާ ޓީމުތަކަށް ފައިނަލް ބުރުން ޖާގަ ލިބޭނެއެވެ. މިއަހަރުގެ މުބާރާތުގެ ޒޯން ޗެމްޕިއަނުންގެ އިތުރުން ފައިނަލް ބުރުގައި ވާދަކުރާނީ މިދިޔަ އަހަރުގެ މުބާރާތުގެ ގަދަ ހަތަރަކުން ޖާގަ ހޯދި ޓީމުތަކެވެ.

Advertisement