ދިވެހި ޕްރިމިއާ ލީގުގެ ލޯގޯ ފަރުމާކޮށްގެން ލައްކައެއް ހޯދުމުގެ ފުރުސަތު

ދިރާގު ދިވެހި ޕްރިމިއާ ލީގުގެ އާ ލޯގޯ ޑިޒައިންކުރަން ހުޅުވާލައި، އެންމެ މޮޅު ލޯގޯ ފަރުމާކުރާ ފަރާތަކަށް އެއްލައްކަ ރުފިޔާގެ ފައިސާގެ އިނާމެއް ދޭން ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އިން ނިންމައިފި އެވެ. އާ ލޯގޯ ފަރުމާކުރަން އެފްއޭއެމުން ހުޅުވާލީ އިއްޔެ ސޯޝަލް މީޑިއާގައި ކުރި ޕޯސްޓެއްގަ އެވެ.

ކުރިން ދިވެހި ލީގުގެ ނަމުގައި ކުރިއަށްގެންދިޔަ ރާއްޖޭގެ އެންމެ ބޮޑު ލީގު ދިވެހި ޕްރިމިއާ ލީގުގެ ނަމަށް ރީބްރޭންޑްކުރީ 2015 ވަނަ އަހަރު އެވެ. އާ ލޯގޯ ފަރުމާކުރަން ހުޅުވާލިއިރު 2024-2023 ވަނަ ސީޒަނުން ފެށިގެން ލީގު ކުރިއަށްދާނީ މުޅި ރާއްޖެ އަށް ހުޅުވާލައގެންނެވެ.

Advertisement

އެފްއޭއެމުން އާއްމުކޮށްފައިވާ ޕޯސްޓުގައި ބުނެފައިވަނީ ލީގުގެ ލޯގޯ ފަރުމާކުރުމަށް ފަހު ފޮނުވަންޖެހޭ ސުންގަޑިއަކީ އަންނަ ސެޕްޓެމްބަރުގެ 10 ވަނަ ދުވަސް ކަމަށެވެ. ލޯގޯ ފޮނުވަން ޖެހޭނީ marketing@famaldives.com އަށެވެ. އިތުރު މައުލޫމާތު ސާފުކުރަން ބޭނުންވާ ފަރާތްތަކުން ސެޕްޓެމްބަރު މަހުގެ 2 ވަނަ ދުވަހުގެ އޮފީސް ބަންދުވުމުގެ ކުރިން info@famaldives.com އަށް އީމެއިލް ކުރުމަށް ވަނީ އެދިފަ އެވެ.

A great opportunity to showcase your talents and creativity.

For more information: https://t.co/n3fkBhb8ka pic.twitter.com/g9kBHdqS5j

— Bassam Adeel Jaleel (@bassam_jaleeI) August 11, 2021

މި ފުރުސަތާ އެކު އެފްއޭއެމުން ވަނީ އުސޫލެއް ވެސް އާއްމުކޮށްފަ އެވެ. އުސޫލުގައިވާ ގޮތުން އެންމެ މޮޅު ލޯގޯ އަށް ހޮވޭ ފަރާތަކުން އެ ލޯގޯ އެފްއޭއެމުން ބޭނުންކުރުމުގެ ފުރިހަމަ އިހްތިޔާރު ދީ އެއްބަސްވުމެއްގައި ސޮއިކުރަން ޖެހޭނެ އެވެ. އަދި ލޯގޯ ހެދުމުގައި ސަމާލުކަން ދޭންވީ ކަންކަން އުސޫލުގައި ވަނީ ފާހަގަކޮށްފަ އެވެ.

ދިވެހި ޕްރިމިއާ ލީގުގައި މިދިޔަ ސީޒަނުގައި ވާދަކުރީ 8 ކްލަބުންނެވެ. ކުރިއަށް އޮތް ސީޒަނުގައި ވެސް ލީގުގައި ވާދަކުރާނީ މިދިޔަ އަހަރު ވެސް ވާދަކުރި 8 ކްލަބެވެ. އެކަމަކު ފުޓްބޯޅަ ފޯމެޓް އެކުލަވާލައި ދެ ސީޒަން ފަހުން ލީގުގައި ވާދަކުރާ ޓީމުތަކުގެ އަދަދު 12 އަށް އިތުރުވާނެ އެވެ. އެއީ މިހާރު ވާދަކުރާ އަށް ޓީމުގެ އިތުރުން އާ ފޯމެޓްގައި ހިމެނި ހަތަރު ޒޯނުގެ ޗެމްޕިއަން ޓީމަށް ލިބޭ ހަތަރު ފުރުސަތެވެ.

Advertisement