ދަގަނޑޭ އާއި ތޮއްޕެއަށް ގައުމީ ޓީމާ ގުޅެން ފުރުސަތު ލިބިއްޖެ

ވޯލްޑް ކަޕާއި އަދި އޭޝިއަން ކަޕްގެ ޖޮއިންޓް ކޮލިފިކޭޝަން ގެ ގްރޫޕް އޭ ގައި ވާދަކުރާ ރާއްޖޭގެ ގައުމީ ޓީމާއެކު ދުބާއީ އަށް ގޮސްތިބި އަލީ އަޝްފާގް (ދަގަނޑޭ) އާއި އާލީ ޝާމިސް (ތޮއްޕެ) ކޮވިޑުން އެއްކޮށް ރަގަޅުވެ ގައުމީ ޓީމާ އަލުން ގުޅެން ފުރުސަތު ލިބިއްޖެ އެވެ.

ދަގަނޑޭ އާއި ތޮއްޕެ ކޮވިޑަށް ޕޮޒިޓިވްވިކަން އެނގުނީ ކުރިން ޗައިނާގައި ކުޅެން ހަމަޖެއްސި މެޗްތަށް ކުޅުމަށް އެ ގައުމަށް ފުރުމުގެ ކުރިން ހެދި ޓެސްޓްތަކުންނެވެ.  އެ ފަހަރުގެ ޓެސްޓްތަކުން ދަގަނޑޭ އާއި ތޮއްޕެ ކޮވިޑަށް ޕޮޒިޓިވް ވެ ދިވެހި ޓީމަށް ޗައިނާއަށް ފުރޭ ގޮތް ނުވި އިރު ޗައިނާ އަށް ދިއުމަށްޓަކައި ދުބާއީ އަށް ގޮސްތިބި ސީރިއާ އާއި ފިލިޕީންސްގެ ގައުމީ ޓީމްގެ ބައެއް ކުޅުންތެރިންވެސް ކޮވިޑަށް ޕޮޒިޓިވް ވުމާ ގުޅިގެން އެ ދެ ޓީމަށްވެސް ޗައިނާއަށް ދަތުރުކުރުމުގެ ހުއްދަ ނުލިބުމާއެކު ގްރޫޕްގެ މެޗްތައް ފަހުން ދުބާއީ އަށް ބަދަލުކުރީ އެވެ.

Advertisement

ރާއްޖޭގެ ޓީމުން ގްރޫޕް އޭގައި ކުޅެން ހަމަޖެހިފައި އޮތް ތިން މެޗްގެ ތެރެއިން ފުރަތަމަ މެޗުގައި ސީރިއާ ދެކޮޅަށް މިދިޔަ ހުކުރު ދުވަހުގެ ރޭ ޓީމް ނުކުތްއިރު ދަގަނޑޭ އާއި ތޮއްޕެ ތިބީ އައިސޮލޭޝަންގަ އެވެ. ސީރިއާ އަތުން 0-4 އިން ގައުމީ ޓީމް ބަލިވި މެޗް ކުޅުނު ދުވަހު ދަގަނޑޭގެ ނަތީޖާ ނެގެޓިވްވި ނަމަވެސް ގައިޑް ލައިންތައް ހަމަޖެހިފައި އޮތްގޮތުން އޭނާއަށް ޖެހުނީ ދުވަސްކޮޅަކު މަޑުކުރާށެވެ.ދަގަނޑޭ އާއި ތޮއްޕެއަށް ގައުމީ ޓީމާ ގުޅެން ފުރުސަތު ލިބުނީ އޭއެފްސީގެ ގައިޑްލައިންގައި ބުނެފައިވާ ގިނަ މެޑިކަލް ޓެސްޓްތަކެއް ހެދުމަށްފަހު އެ ޓެސްޓްތަކުން އެ ދެ ކުޅުންތެރިން ފާސް ވުމުންނެވެ.

ކޮލިފައިންގައި ރާއްޖެ ދެން ވާދަކުރާނީ ޗައިނާ އާއެވެ. އަންނަ ހުކުރު ދުވަހުގެ ރޭ ކުޅޭ އެ މެޗަށް ފަހު އެންމެ ފަހު މެޗްގައި މި މަހުގެ 15 ވަނަ ދުވަހުގެ ރޭ ރާއްޖެ ވާދަކުރާނީ ފިލިޕީންދް އާއެވެ.

Advertisement