ލިވަޕޫލްގެ މާނޭ ކޯވިޑަށް ޕޮޒިޓިވްވެއްޖެ

Advertisement

ލިވަޕޫލްގެ މާނޭ ކޯވިޑަށް ޕޮޒިޓިވްވެއްޖެ

ޢަބްދުﷲ އަޝްރަފް

ލިވަޕުލްގެ ފޯވާޑް ސަޑިއޯ މާނޭ ކޯވިޑް 19 އަށް ޕޮޒިޓިވް ވެއްޖެ އެވެ. މި ހަބަރު އައިސްފައި މިވަނީ ލިވަޕޫލްގެ މިޑްފީލްޑަރު ތިއާގޯ އަލްކަންޓަރާ ކޯވިޑަށް ޕޮޒިޓިވްވިކަން އެ ކުލަބުން އިއުލާންކުރިތާ ތިން ދުވަސް ފަހުންނެވެ.

އިނގިރޭސި ޕްރިމިއަރ ލީގުގެ އެންމެ ފަހުގެ ޗެމްޕިއަން ލިވަޕޫލުން ވަނީ މާނޭ ކޯވިޑަށް ޕޮޒިޓިވްވެ އައިސޮލޭޝަންގައި ހުރިކަން ކަށަވަރުކޮށްދީފަ އެވެ. އެ ކުލަބުން ބުނެފައިވާ ގޮތުގައި ސެނަގާލްގެ ފޯވާޑް  މާނޭގެ ފަރާތުން ބަލީގެ އަލާމާތްތައް ކޮންމެވެސް ވަރަކަށް ފެނުނު ނަމަވެސް މާނޭގެ ހާލު ރަގަޅު ކަމަށެވެ.

Advertisement

އިނގިރޭސި ޕްރިމިއަރ ލީގުގައި މިދިޔަ ހަފްތާގެ ހޯމަ ދުވަހުގެ ރޭ ލިވަޕޫލުން އާސެނަލްއާ ދެކޮޅަށް ކުޅެ މޮޅުވި މެޗުގައި  އުމުރުން 28 އަހަރުގެ މާނޭ ކުޅުނު ނަމަވެސް މިދިޔަ ބުރާސްފަތި ދުވަހުގެ ރޭ އިނގިރޭސި ލީގު ކަޕްގައި އާސެނަލްއާ ދެކޮޅަށް ކުޅުނު މެޗަށް ލިވަޕޫލުން އެކުލަވާލި ސްކޮޑްގައި މާނޭ ހިމެނިފައެއް ނުވެއެވެ.

ލިވަޕޫލްގެ ރަސްމީ ވެބްސައިޓްގައި އެ ކުލަބުން އާންމުކުރި ބަޔާނެއްގައި ބުނެފައިވަނީ ތިއާގޯ އެކޭ އެއްގޮތަށް މާނޭ ވެސް ކޯވިޑާ ގުޅިގެން ކަމާ ގުޅޭ ފަރާތްތަކުން އެކުލަވާލައިފައިވާ އުސޫލުތަކާ އެއްގޮތުން އަމަލުކުރަމުންގެންދާނެ ކަމަށާއި، އެގޮތުން މާނޭ ވެސް ކަނޑައެޅިފައިވާ މުއްދަތަށް އައިސޮލޭޝަންގައި ހުންނާނެ ކަމަށެވެ.

މިހާތަނަށް މި ސީޒަނުގައި ލިވަޕޫލަށް ތިން ގޯލް ކާމިޔާބުކޮށްދީފައިވާ މާނޭ ކޯވިޑަށް ޕޮޒިޓިވްވުމުން ޕްރިމިއަރ ލީގުގައި މި ހަފްތާގައި ލިވަޕޫލުން އެސްޓަން ވިލާ އާ ދެކޮޅަށް ކުޅޭ މެޗުގައި ނުފެންނާނެ އެވެ. މި މެޗަށްފަހު ދެން އޮންނާނީ އިންޓަނޭޝަނަލް ބްރޭކެވެ.

Advertisement

މިލިޔުމާއި ގުޅޭ

ކިޔުންތެރިންގެ ހިޔާލު

Leave a Reply

Your email address will not be published. Required fields are marked *